دخلت قلت ربنا يستر واحب المكان دة
وسبحان الله مقدرتش احبه الا لما سبته
بحس بحنين على خفيف يعني
وبتخيل نفسي بتمشى جنب الكافيتيريا الفاشلة بتاعتهم الي الكانز فيها بتلاتة جنيه وعليها تراب وطين
وبتخيل نفسي وانا بجري عشان الحق سكشني الي في اخر الدنيا
واخده وانطلق للمبنى الي فوق دة عشان المحاضرة الي بعد دة
في المبنى دة ناقشت مشروع تخرجي
حسيت اني شفت المبنى دة كأني اول مرة اشوفه فيها
كنت مبسوطة وفرحانة
وزعلانة
مبسوطة عشان حناقش مشروعي وخلاص مش جاية الكلية دي تاني
وزعلانة عشان مش حيبقى فيه محاضرات وسكاشن تاني
وامتحانات :(
والايام الصعبة الي بستنى فيها نتيجتي
لما كنت بصرخ من الفرحة لما اجيب تقدير عالي
ولما كنت بصرخ من الحزن عشان شلت مادة او اتنين
اه بتحصل يعني.. اول سنة جبت جيد جدا واخر سنة جيد جدا وفي النص مقبول بالعافية :D
دة بقى معمل الـ GPS
كنت بحب المعمل دة والراجل الي واقف دة المهندس الي كان بيورينا ازاي الجي بي اس ريسيفر بيشتغل :D
حقيقي رغم كرهي للمكان دة لكن لازلت مرتبطة بيه وبكل ذكريات عدت عليا خلال الخمس سنين الي فاتوا فيها
ونفسي ارجع تلميذة تاني
هناك 9 تعليقات:
سبحان الله يا هبه انا لا عمرى حبيتها ولا بحنلها وكل ما اشتم عليها او انصح حد نصيحه لله اصحابى يضايقوا منى ويدافعوا عنها بشده ويقولوا فيها شعر
ذى ما يكون من بقيت عليتهم !!
معرفش ليه محستش بالانتماء للكليه دى !
دخلتها غصب عنى وكنت بضغط على نفسى عشان اذاكر ومن كتر كرهى للكليه كنت بكره كل اللى فيها حتى الطلبه وذى ما يكون بحملهم مسئولية وجودى بينهم !
دنا يابنتى فضلت سنه وتيرم مصاحبتش حد
فين على ما اخدت بالى ان الناس اللى هنا ذيها ذيى ملهاش ذنب ههههههههه
دا الواحد فاضله سنة ويخلص وعايز ينفد بجلده
ترجعي فين بس ... خليكي البلد دي احسن من غيرها
ربنا يوفقك يارب
فكرتينى بأجمل ايام عمرى يا هوبتى !
طبيعى انك تحنى دة المعتقل شوفى المعتقل بيحن لمكان اعتقالة
عارفة انا مشكلتى كانت اية بقى انى اسااسا مكنتش بكمل فى جامعة اكتر من سنتين وبعد كدة جامعة تانية
يعنى القاهرة عين شمس حلوان عين شمس
احمدك يارب
اه يا هوبه بجد نفسى ارجع تانى للكليه
انا كنت بكرهها جدا جدا وكنت بكره المذاكره والامتحانات
بس دلوقتى لما خرجت واتعاملت مع الناس فى مجال الشغل بجد قدرت الكليه جدا
احلى ايام عمرى احلى ذكريات واحلى اصحاب
ربنا يصبرنا على حياتنا بقى
انا بكره الكليه الاصليه بتاعتي مش بتاع الدبلومه طبعا
and i regret that i studied there
من اصله
الله يحرقها يا شيخه
هههههههههه
افكارك في التوبيك نفس افكاري يا هوبا والله
مصدقاكي في كل كلمة بجد لاني زيك بحن
لجامعتي رغم اني شفت فيها الذل والقرف
انا اخر ترم كنت مستنية اليوم اللي
اتخرج و ارتاح منها و دلوقت بحن ليها
صحيح القط بيحب خناقه
والله بكرها و لسه بكرها بس برضو بحنلها
علشان الانسان مش بيحس بجمال أى مرحلة من عمره أو جمال الناس اللى حواليه غير لما يضيعو من ايده
بتعرفى تطيرى يعنى :D كنت هدخله والله
إرسال تعليق