السبت، 3 مايو 2008

بحب اشرب البشاميل في كوباية




اه .. اية المشكلة يعني :D

عادة وخدت عليها من زمان قوي


يمكن عشان بشاميل ماما لا يعلى عليه..


يمكن تغيير من شكل المكرونة بالبشاميل


ياسلام لما تجيب البشاميل في كوباية.. او زبدية ماتفرقش

وتجيب المكروناية المسلوقة.. وتغطسها في قلب البشاميل

وترفعه وتسيبه ينقط لغاية مايوصل للمغارة المفتوحة جبريا الي اسمها بقك

متعتي بجد مش عارفة دة جنون ولا اية :D

ولا عشان كنت بعمل كدة زمان وانا صغيرة؟

يمكن دة حنين لادق واتفه الحاجات الي كنت بعملها زمان؟

ولا تمرد من الحاضر..وشكل المكرونة الي واخدينه ولا اية :D

ليلتنا فنننننننننننننننننننننننننننننن يامعنمي

التهييس بدأ :D

الحق بقى امارس متعتي اللي اصبحت عادة لليوم العالمي للمكرونة بالبشاميل

اصلها مرة كل فين وفين









قبل ما اي حد يفهمني غلط :D


المغزى من الموضوع دة مش البشاميل ولا الكوباية


المقصود هوة قد اية حلو انك تحافظ على الحاجات الي كنت بتعملها زمان


وتعيد فعلها وتواظب عليها كمان


بغض النظر عن الحاجات المريبة الي كانت بتتعمل زمان

هناك 8 تعليقات:

Nourhan Sirag يقول...

جوعتيني على فكره :D

بس اكيد مش هاكل البشاميل في كوبايه برضه:D

كليه براحتك ولا يهمك..المهم محدش يشوفك كده وانتي بتاكليه :P

~ Heba ~ يقول...

هههههههههههههههه


دة مزاج عندي والله يانورهان..

والكل بيستغرب فاكريني مجنونة :D

Romaya يقول...

انتى بتحبيه اوى كدا البشاميل يا هوبه .. وكوبايه كمان

متسكتيش على حالتك يا هوبتى هههههههه

~ Heba ~ يقول...

عارفة ان كلي غرائب خصوصا في الاكل

طب كويس اني ماجبتش سيرة اني باكل البتنجان ني ههههههههه

NeRmO AbDo يقول...

هوبه انا باكل البشاميل بالمعلقه :D بمووووووووت فى البشاميل بس ماجربتش حكايه الكوبايه دى شكلى هاجربها اهو حتى يبقى اسهل وانا بشربه

اخويا الصغير بيحب ياكل البتنجان نى عادى يعنى الحياه ايزى المهم اكل اللى يعجبنى

dr_samarmar يقول...

ههههههههه

ساعات كدا فى حجات معينة بترتبط بالبراءة و بالسعادة فى العقل الباطن و لما نعملها نفرح

~ Heba ~ يقول...

dr_samarmar


نورتيني ياقمر والله


يارب المدونة تكون عجبتك :D

dr_samarmar يقول...

أكيييييييييييد

مش انتى الى كتباها يا هبة

مدونتك و أحاسيسك جميلة أوى