Elasticity & Plasticity
اول مصطلحين ادرسهم في كلية الهندسة
مادة Plastic يعني مادة تتحول من شكل لشكل مع احتفاظها بالشكل الجديد
مادة Elastic .. يعني مادة مرنة .. تتحول اة.. بس ترجع زي ماكانت الاول
كانت دكتورة منال استاذة الفيزياء في اعدادي بتربط بين الفيزياء وحياتنا بصورة غريبة
كنت بستغرب فعلا
لغاية ما اقتنعت ان كلامها صح وان الفيزياء تغلغلت في حياتنا لغاية ماوصلت لحياتنا الشخصية ومعاملاتنا الانسانية
اقتنعت عشان اكتشفت ان فيه ناس ليهم نفس الخواص الفيزيائية الي قلتها فوق
ناس بلاستيك .. قابلين للتحول .. ويثبتكوا على الشكل الجديد .. مايتغيروش .. ولا يرجعوا لاصلهم
وكلامهم ايلاستيك مرن.. مطاط .. بيتحول برضة .. ويدي اكتر من معنى .. وممكن المعنايين يبقوا متناقضين بصورة بشعة
وفيه ناس Solid .. ثابتين طول الوقت.. يا بالحلو يا بالوحش..غير قابلين للتحول
مع ان اول فئة دي لازم تطلب معاهم تحول فعلا عشان الناس كلها بقت زي اللي فوق .. عشان الكيميا تشتغل بقى :> وعرفوا يتعاملوا
انا من الناس ال Solid .. الفئة الاولى
وأفتخر
كلام مالوش معنى اه.. بس جة في بالي قلت اكتبه
وزي مايكون بقى
هناك 3 تعليقات:
بس الsolid ممكن يتكسر يا هبة يا حبيبتي
الelastic
ممكن يرجع لشكله الأصلي وميتكسرش صح
ولا ايه :(
استني استني استني..انا فهمت غلط :D
انا قصدي تبقي elastic
بس مع أي مشكلة تحصلك
يحصلك تمدد أو انكماش
يشدوا فيكي ويضغطوا عليكي
بس دايما ..ترجعي زي ما كنتي..
مش قصدي
امممم
بس قصدي متتكسريش
شكلي لبخت :S
لبختي مين يا امي دانتي كتبتي تعليق بموضوعي كله :)
إرسال تعليق