الأربعاء، 19 نوفمبر 2008

ANNIE


آني .. نوغا .. نوغتي .. نغنغ
البنوتة الملاك

اللي فيها طيبة الدنيا كلها
اللي بحس انها انا في حاجات كتير قوي
البنوتة الامريكانية اليمنية الدكتورة الي حتبقى قدام حاجة كبيرة قوي

Am sure of that, noo3’a :D

بتقلب كياني بجد كل ماتتصل بيا واسمع صوتها

وخصوصا صوتها وهي بتقول آلو :$

بعد مابتكلمني بحس اني مبسوطة قوي .. ماما بتقولي كل مانوغا بتكلمك وشك يحمر ومش بتبقي على بعضك :$

مابيحصلش كدة بجد لما بكلم حد او حد يكلمني

لما كانت بتدخل على ايجي باسم A.M.A

كنت فاكراها ولد بصراحة :$

قربنا من بعض اول السنة دي .. بسرعة البرق بقينا صحاب

حاجة كدة تدخل القلب في ثواني .. وماتخرجش ابدا ولو بالطبل البلدي

بحسها طفلة كبيرة .. فطرية لابعد الحدود

بس في اوقات بلاقيها انثى مكتملة النضج .. تتكلم كلام ماتتخيلش ان الطفلة اللي كلها براءة تقوله

نوغتي انا مبسوطة قوي بمكالمتك ليا النهاردة

اتمنى اشوفك في اقرب وقت .. ياريت تيجي مصر بسرعة

مش حخرجك من باب بيتنا لغاية ماتركبي طيارتك على امريكا وتطيري

البوست دة اقل حاجة اقدر اعبرلك بيها عن حبي ليكي

يا اجمل ملاك

ربنا يخليكي ويكرمك ويحفظك يا انغام

يارب :)

هناك تعليقان (2):

Superman يقول...

انغام من ارخم 5 بني ادمين في ولاية ميتشجان بحسب احصائية رسمية صادرة من عندهم..
و تم ضمها لكتاب كوارث القرن الـ21 اللي حلت علي قارة امريكا الشمالية..

و مع ذلك بنحبها بغلاستها و طيبتها و سلطاتها و بابا غنوجها!

طلب إنساني: ياريت لما انغام تيجي مصر تنفذي وعدك و ماتخرجيهاش من البيت لحد ميعاد الطيارة :D

~ Heba ~ يقول...

انغام رخمة :|:|:|:|

تيجي ازاي دي :D

بخصوص انها ماتتحركش من البيت الا عالمطار اقدر اضمن لكوا دة .. حخلي ماما تعمل لها كل يوم كشري على الغدا

بيجيب نتيجة صدقني :D