في الايام الجميلة دي ..
بحس ان جوايا كمية تصالح كبيرة قوي مع نفسي ومع كل اللي حواليا
بحس بصفاء كبير جوايا .. عمري مابحسه بقية السنة
رمضان
كان نفسي اكون في الايام دي في مصر
انا رغم همومي اللي بتبقى في الوقت دة لكن بحس براحة شديدة قوي لما يجي رمضان في مصر
وفي بيت عمي بالذات.. في شبرا .. في بيته وجنينته وجاراجه على سلمة بيته
قبل الفطار بدقايق
والشمس بتغرب بدلع وعلى مهلها زي ماتكون بتغيظني وبتعاند فيا
بطني تقرص من الجوع
اقعد في الفاراندا
اسمع اغاني رمضان
رمضان جانا
وحوي ياوحوي
حاللو ياحاللو
اهو جة ياولاد
اسمع كل الاغاني دي في راديو تيتة المحطوط على الفاراندا واكون قاعدة في الجنينة بسمعه على بال ما الاذان يأذن
امسك الفانوس الجديد اتمشى بيه في البيت واقول وحوي ياوحوي
لغاية السنة اللي فات وانا بعمل الحركة دي اجري زي الطفلة الفرحانة بالفانوس الجديد
اقف مع ماما وخالتي نحضر الفطار
اجري على حلة الشوربة .. الشئ المقدس في الفطار..
اول يوم في رمضان طاجن ورق العنب بيبقى نجم السفرة
والسمبوسة والخشاف
والقطايف
والتمر وقمر الدين
مدفع الافطااااااااااار اضرب
نسمع المدفع .. ووراه وصوت البمب والصواريخ الي بيفرقعها ولاد جيراننا في الشارع
بيعملوا محطة تقوية لصوت المدفع لو ماوصلش للناس
واتمشى في شوارع المنطقة
الاقي الزينة والانوار في كل بيت وعلى كل بيت
اقدر اشوف الزينة جوة البيوت والشبابيك مفتوحة
الي تعرفه والي ماتعرفهوش في الشارع تسلم عليه تلاقيه يقوللك رمضان كريم
تنزل تشتري الفانوس دة لو ماعرفتش تشتريه قبلها
جو روحاني مهيب جدا
رمضان يخلص
العيد يجي
تلاقي جو العيد هل
وجو رمضان بيولي واحدة واحدة
بس الفرحة مابتختفيش
فرحة العيد ماتخليش زعلك ان رمضان خلص يروح
تاخد العيدية
تشتري بيها كلها بمب وصواريخ
تقف وسط ولاد اعمامك وعماتك
تفرقع صواريخ وبمب تحت رجليهم
تستخبى منهم في الجنينة وتطلع برة في الشارع تصرخ بفرح
ونخرج في اليوم دة بالعربية نلف في الشوارع نشوف شكل العيد برة البيت
كل دة مش ححضره
كل دة مش ححسه
هنا مفيش فوانيس
رمضان يخلص
العيد يجي
تلاقي جو العيد هل
وجو رمضان بيولي واحدة واحدة
بس الفرحة مابتختفيش
فرحة العيد ماتخليش زعلك ان رمضان خلص يروح
تاخد العيدية
تشتري بيها كلها بمب وصواريخ
تقف وسط ولاد اعمامك وعماتك
تفرقع صواريخ وبمب تحت رجليهم
تستخبى منهم في الجنينة وتطلع برة في الشارع تصرخ بفرح
ونخرج في اليوم دة بالعربية نلف في الشوارع نشوف شكل العيد برة البيت
كل دة مش ححضره
كل دة مش ححسه
هنا مفيش فوانيس
مفيش نفحات رمضان
روحانياته
روحانياته الي بشمها وبحسها قبل رمضان باسبوع
رمضان خلاص بكرة
مفيش حاجة
الشوارع عادية
الجو طبيعي جدا
حتى الاسواق والسوبر ماركت
ماتحسش فيها ان رمضان قدامه يوم ويهل
دة الي مضايقني وخانقني قوووووووووووووووووووووووووي
على قد فرحتي اننا حنقضي رمضان مع بابا
على قد حزني اني مش حعيش الايام الجميلة والذكريات الاجمل في مصر
نقابل صحابنا
نكلمهم في التليفون
انا هنا ماليش صحاب خالص
التليفون هنا مابيرنش
يوم مايرن تبقى النمرة غلط
كانت ليا صحبة هنا من ايام تالتة ابتدائي
لما كلمتها اخر مرة لما جيت قاطعتها
عشان قالت عليا اني رخمة ماينفعش اني اتصاحب
وان هروب صحابي مني دة طبيعي
موال مش عاوزة اخوض فيه نهائي لان الكلام قد اية وجعني
وخلاني احس في لحظة اني فعلا كدة بدليل اللي بيحصل دة
ماعلينا من الموضوع دة
فرحتي برمضان السنادي مش زي كل سنة
مع ان دي اول مرة اقضي رمضان فيها في السعودية من 8 سنين
ومع اني مبسوطة ان دي اول سنة من فترة طويلة اصوم فيها في بيتنا مع بابا
ومبسوطة جدا اني حعمل عمرة رمضان الي تساوي حجة
بس زعلانة اني مش ححس بالشهر الجميل دة زي ماكنت بحسه في مصر
والذكريات الجميلة الي محتاجاها قوووووي الايام دي
مش حدوش دماغكوا مع اني عارفة اني دوشتها
كل سنة وانتوا طيبين وبخير
رمضان كريم
كل عام وانتم الى الله اقرب :)
هناك 4 تعليقات:
كل عام وانتى بخير أختى
وإن شاء الله تكونى رمضان القادم انتى والعائله بمصر
وأرجو ألا تنسى العائلة الكريمه الدعاء لى (( ابتسامه ))
نعم العائله كلها (( ابتسامه ))
السلام عليكم
احاسيس جميلة مفقودة واصعب شئ ان الانسان عاش احساس ويفتقدة بيكون تايه موش حاسس بطعم اى حاجة حتى لو كانت هى هى نفس الحاجة
بالله عليكى امانه الدعاء لي فى العمرة
اشكر لكى مشاعرك واتمنى تتحقق وتدوووووم
محمود السيد/صاحب مدونه شاطئ الاحزان
مصعب
كل سنة وانت بالف خير وبصحة انت والعائلة الكريمة .. ربنا يجعله رمضان مبارك عليكوا جميعا ..
دعيتلك انا في الحرم يامصعب ومن غير ماتقول كمان ((ابتسامة))
محمود السيد
بشكرك على مرورك الجميل دة .. بتمنى ان كل بني ادم حس باحاسيس جميلة ومفتقدها يرجع يعيشها تاني باحاسيس مختلفة احلى واحلى من الاول
ياريتك كنت رديت عليا من قبلها كنت دعيتلك :( انا خلاص عملت العمرة رابع يوم رمضان :( بس بدعيلك دلوقتي ان ربنا يكرمك ويسعدك على طول يارب :)
اللللللللللللللللللله
يا بختك
انا عملت عمرة السنه اللي فاتت
وحاسس بوجع السنه
رمضان هنا غير هناك
انا لسه كاتب رد عندي ف المدونة زي كلامك ده .. ولما جيت فوجئت انك ف نفس الظروف
انا عارف ان الالم ف الوقت ده بيكون رخم
لكن اشغلي نفسك بالعبادة
و ادعيلي بالله عليكي
ادعيلي بالخير
:)
سعودي
إرسال تعليق