الخميس، 2 أبريل 2009

April 5





لغاية من قبل سنتين وزيادة .. كان التاريخ دة بالنسبالي حاجة جميلة قوي .. بعد الايام والشهور عشان اليوم دة ييجي




كنت بجمع زمان ورق النتيجة الي بيشيل التاريخ دة .. يوم خمسة ابريل




كنت برتب اليوم دة من قبلها بسنة .. يعني بالظبط في اخر اليوم بتاع عيد ميلادي .. برتب عيد ميلاد السنة الجاية




انما السنة الي فاتت والسنادي .. مفيش اي حماس بحس بيه لما اليوم دة بيقرب




والاحساس دة بيصاحبه رغبة في ان اليوم دة مايجيش




بحس اني بكبر .. وان عمري بيضيع ومن غير ما اعمل فيه اي حاجة مفيدة




انا كمان اربع ايام حكمل 24 سنة ..




كان نفسي لما ييجي اليوم دة .. اكون عملت حاجات كتير قوي في حياتي وحققت كل الي بحلم بيه




يعني في اليوم دة من كل سنة .. بحلم بشوية احلام انها تتحقق في السنة الجديدة




اكتشفت اني كل سنة بحلم .. وتيجي السنة الجديدة وماكونش حققت حاجة واحدة




مفيش غير حاجة واحدة بس الي اتحققت .. السنة قبل الي فاتت ... اني اتخرجت من الكلية على خير




بس لسة عندي امل




وحاسة اني حقضي يوم عيد ميلادي دة بطريقة غير كل




مش مجرد تورتة فيها شمعة وحواليها خمسة بيقولوا هوف




ولا مجرد احلام بتمناها .. وفي الاخر الاقي ولا حاجة بتتحقق




حيحصل فيه اية ؟؟؟ الله اعلم




بس الي اعرفه اني حكمل في اليوم دة 24 سنة




عاوزة مافكرش في اي حاجة تضايقني او تفسد عليا احتفالي باليوم دة رغم اني ماعدتش بحب اليوم دة ييجي




وبرضه حرجع احلم واتمنى وامنياتي تتحقق






هناك 19 تعليقًا:

Fatma يقول...

اولواحدة اقولك كل سنة وانتي طيبة هنا زي ماكنتي انتي اول واحدة تقولهالي عندي :)

كل سنة وانتي طيبة يا هبة ربنا يجعل ايامك كلها سعادة يارب

ما تفكريش بسلبية ارجوكي لسه قدام الحياة جميلة :)

ربنا يباركلك في عمرك يارب

~ Heba ~ يقول...

ماتتخيليش كمية السعادة الي حسيت بيها لما لقيت ردك على البوست الي لسة باعتاه من عشر دقايق بس :D

وانتي طيبة يافنون ياقمر ميرسي ليكي قوووووووووي بجد وربنا يجعل ايامك انتي كلها سعادة وفرحة وهنا وربنا يارب يكرمك ويوفقك في حياتك يارب :)

غير معرف يقول...

كل سنة وانتي طيبة ,وسعيدة :) ومتهنية ,وفرحانة يارب :)

ReEm يقول...

كل سنة وانتي طيبة يا بيبا

و شكله الموجه دي على كل العشرنيات اللي عيدهم السنة دي

يلا يا ستي المهم نرجع نتمنى ونحلم و هيجي يوم يتحقق الحلم

The Seagull يقول...

كل سنة وانتي طيبة يا هوبة وإن شاء الله عيد ميلاد سعيد عليكي وتحققي كل أمنياتك إن شـاء الله :)

Superman يقول...

عقبالك يوم ميلادك يوم ماتنول اللي شغل بالك..يا هوبا..تيرارارا..يا هوبا..عقبالك يا هوبا..

يا مفرقين الشموع سلتو نصيبه فين؟


كل سنة و انتي طيبة و عقبال 100 سنة.. :)

~ Heba ~ يقول...

ايمان: وانتي طيبة وومبسوطة يا ايمان ياحبيبتي :) ربنا يخليكي ليا يارب :)

ريم : تعرفي اني مش قادرة اتخيل اني عديت العشرين اصلا؟؟؟ لسة حاصرة نفسي في بنوتة ال 16 سنة .. مش شايفة ولا عاوزة اشوف نفسي الا كدة.

ويارب تتحقق كل احلامنا كلنا :)

ميرسي ياقمر على ردك :)

يويو: ميرسي ياقمر على كلامك الجميل دة وربنا يحققلك كل الي بتحلمي بيه يارب :) ... ومنورة البلوج ياجميل :)

سولتووووووووووو : منوررررررر بردك الجميل دة بجد :)

نصيبك متشاااااااال بس تشرفنا في القاهرة ومالكش دعوة :D

حقيقي سعيدة قوي بردك الجميل دة وبالاغنية الي نفسي تتغنالي في عيد ميلادي حقيقة :)))))))

ربنا يخليك يا سولتو ويكرمك ويوفقك في حياتك .. واشوفك احسن واحد في الدنيا دي كلها :)

ميرسي تاني مرة على ردك ومنورني :)

... amr يقول...

انا قلت اجي يوم 5 و أقولك كل سنة و انتي طيبة :)

, وان شاء الله تحققي أحلامك و أمنياتك

مفيش تورتة هنا ولا خلصتيها كلها ؟

P:

ســـــاره يقول...

حبيبي ياحبيبي
حياتي ياحياتي :)

اهني اليوم بك انت
عشانك من مواليده
واغنيلك في ميلادك
عساها لك سنة سعيده :)

شفتي ازاي..
مش بس سولتوا اللي بيعرف يغنيD:

كل سنة وانتي طيبة حبيبة قلبي
وان شاء الله السنة الجاية نحتفل بعيد ميلادك مع بعض واحنا بنشرب شوربة الكائنات الغريبة :d

وياريت ياعمري تحكيلنا تفاصيل الحفلة :)

leeno يقول...

كل سنة و انتي طيبة :)

ربنا يجعل ايامك كلها احلام بتتحقق

غير معرف يقول...

وربنا يخليكي لينا طيبة وتفرحي يارب :)

~ Heba ~ يقول...

ورجعنا تاني..

بعتذر عن التأخير في الرد بسبب ان الجهاز كان بيتصلح


عمرو : مش لما يبقى فيه تورتة من الاصل :D

يوميها زمايلي جابولي دستة جاتوه وشمعة وعملنا الهوف وكلنا ومشينا في عشر دقايق

شفت كروتة اكتر من كدة :(

ميرسي على ردك ويارب تكون بخير دايما ومبسوط :)


سارة: اهو كل ما افتكر اليوم دة افطس من الضحك وانا بشرب الشوربة العجيبة دي .. ومع الحكاوي الي حكيناها حسيت اني كرهت شوربة السي فود دي ومش حشربها عمري loool

مفيش حفلة طبعا .. وانا من امتى بيتعمللي حفلات عيد ميلاد :D

كل الحكاية ان زمايلي جابولي دستة واحتفلنا بيه في مطعم بون ابيتي الي جنب الجامعة الامريكية .. واليوم دة كان جميل قوي بايمان سما مصر ..لانها كانت في القاهرة اليوم دة وكانت قاعدة كمان في المطعم دة.. رصينا الجاتوه وقولنا الكلمتين بتوع المناسبة دي وهفيت الشمعة وخلاص على كدة :D

س كان يوم جميل قوي وكان اجمل بايمان والله :)

سارة ياقمر ربنا يخليكي ليا يارب وتغنيلي انتي وسولتو دويتو في فرحي :D


لينو: وانتي طيبة وسعيدة ومتهنية في حياتك يارب .. ميرسي ليكي على ردك ياحبيبتي :)


ايمان : اليوم كان جميل قوي بيكي .. ميرسي على الهدية يا ايمو .. مفيش احلى من كتاب رباعيات جاهين :)


ميرسي ليكوا كلكوا على ردودكوا :)

غير معرف يقول...

سلامتك يا جميل:)

ألف حمدا لله على السلامة:)

Miss Allu يقول...

نفس الاحساس اللي حسيته..
لما جه عيد ميلادي ال 23..
وحاسة انه خلااااااص بجد..
بقيت بكره اليوم ده كره مش طبيعي..
وكل الكلام اللي انا حسيته ترجمتيه..
فعلا.. احساس بانه لا جديد في حياتك..
هيا شهادة البكالوريوس اللي اخدتيها قبل سنة
والحمدلله..
وباقي حياتك اليوم اللي فات زي اليوم اللي عايشاه زي اليوم اللي جاي..


عموما..
بلاش نكد..
ومعلش عالتأخير..


كل سنة وانتي طيبة يا هبوووش..
ويارب السنة الجاية تكون أحلى من السنوات اللي فاتت
وتكون سنة مميزة في حياتك يارب..

تحياتي..

shabfa2re يقول...

قشطة ما انا لسه مكمل 25 فى اخر ابريل
والحياة ايزى ومش فى دماغى اى حاجة
اهم حاجة انى امى عملتلى كعععععععك

تأثير الفراشة يقول...

كل سنة و انت طيبة (و لو إنها متأخرة شوية) :)
و فعلا احساسك ده بيعدى على ناس كتير، مع ذلك ما تخليش زعلك على الأيام اللى فاتت، يضيع من إيديكى الأيام اللى جاية
باتمنى لك حياة سعيدة ،و ربنا يكرمك من كل خير

تحياتى لك و تقبلى مرورى

غير معرف يقول...

يارب تكوني بألف خير دلوقتي يا هبة:)

آسفة على التقصير

(حلـم) يقول...

الامل خبز الحياة ..علما..ان الذين يصنعون الامل هم اولئك الذين يعشون بلا امل..اول مرور اتمني التواصل..حلم..

l0ma يقول...

نفس احساسى كل سنة من اول ما بقى عندى 20 سنة وكل سنة بتمنى عيد ميلادى ميجيش وبقى عندى 24 سنة وكمان 7 شهور هيكونوا 25 سنة وكل سنة بتمنى تكون احسن ومفيش اى حاجة بتيتغير ,,, بجد مش قادرة اقولك اد اية كلامك زى مايكون انا الى كتباة حسيت بية اوى بجد ويااارب تكون سنينك احن من سنيينى وتكون سنينى الى جايو احسن من الى فاتت يارب